Croeso i Cymraeg i Blant
Mae Cymraeg i Blant yn gynllun newydd sydd wedi ei sefydlu i annog darpar rieni a rhieni newydd i ddilyn llwybr dwyieithog i’w plant trwy ddewis gofal plant ac addysg Gymraeg.
Mae’r grwpiau cefnogi isod ar gael i rieni newydd:
- Grŵp tylino babi yn addas ar gyfer babanod rhwng 8-24 wythnos oed
- Grŵp ioga babi yn addas ar gyfer babanod o 10+ wythnos oed ac ar gyfer babanod 16+ wythnos oed
- Grŵp Stori a Chân yn addas ar gyfer babanod 0-3 oed
Mae’r grwpiau yn ffordd wych i fagu hyder yn y Gymraeg, i ddysgu ymadroddion syml i ddefnyddio gyda’ch babi ac i wneud ffrindiau o’r newydd. Beth am fynd draw i un?
Mae ein clybiau misol ‘Clwb Doti a Fi’ hefyd yn rhoi cyfle ychwanegol i rieni i ddysgu caneuon syml, gwrando ar storïau, gwneud crefft gyda’r babi, derbyn gwybodaeth leol gan bartneriaid blynyddoedd cynnar a chwrdd â rhieni newydd.
Ni chodir tâl wrth fynychu’r grwpiau, croesawir dysgwyr a’r di-Gymraeg gan fod ein grwpiau yn ddwyieithog. Mae modd i rieni i symud ymlaen i’r Cylch Ti a Fi a chofrestru mewn Cylch Meithrin ar ôl mynychu ein grwpiau cefnogi.
Am fwy o wybodaeth am grwpiau Cymraeg i Blant yn eich ardal cliciwch ar y linciau facebook isod neu cysylltwch gyda’ch Swyddog Cymraeg i Blant lleol:
Facebook.com/Cymraeg i Blant… (Tudalen cenedlaethol)
Facebook Cymraeg i Blant Casnewydd
Blaenau Gwent
Merthyr
Caerdydd
Gogledd Powys
De Powys
Penfro
Rhondda Cynon Taf
Caerffili
Penybont
Abertawe/CNPT
Sir Gâr
Conwy
Bro Morgannwg
Môn
Arfon
Dwyfor
Meirionnydd
Wrecsam
Dinbych
Fflint - Sir y Fflint
Ceredigion
Mynwy
Sut i gysylltu â Cymraeg i blant:
Ffôn: 01970 639639
E-bost: nerys.jones@meithrin.cymru
@Cymraegforkids
** Gwybodaeth ddiweddaraf am sesiwn cyn-geni Cymraeg i Blant **
.jpg)
Mae tîm o Swyddogion Maes Cymraeg i Blant ar gael i gynnig cyngor arbenigol, gwybodaeth a chefnogaeth i ddarpar rieni a rhieni newydd a’u teuluoedd ar fanteision dwyieithrwydd cynnar gan ddwyn i sylw;
- Bod mwyafrif o blant y byd yn siarad dwy iaith a cyntaf i gyd mae plentyn bach yn clywed y Gymraeg gorau i gyd
- Bod gan bob plentyn yng Nghymru'r hawl i siarad Cymraeg ac i fanteisio ar ofal plant cyfrwng Cymraeg ac addysg Gymraeg
- Bod y Gymraeg yn llai tebygol o gael ei defnyddio o fewn teuluoedd lle mae un rhiant yn siarad Cymraeg, dim ond 45% o’r teuluoedd yma sy’n dewis trosglwyddo’r Gymraeg
- Bod trosglwyddiad iaith yn y cartref yn allweddol i sicrhau dyfodol i’r Gymraeg